Ներկայացնում ենք 2021 թվականի երրորդ եռամսյակի հանրապետական և մայրաքաղաքային սփռում ունեցող հեռուստաընկերությունների եթերում բարձր վարկանիշ ունեցող հեռուստածրագրերի կառուցվածքն ըստ ժանրերի:
Դեռևս 2020 թվականին Հեռուստատեսության և ռադիոյի հանձնաժողովը դիմել էր Միջերկրածովյան կարգավորող մարմինների հարթակին (The Mediterranean Regulatory Authorities Network- MNRA) անդամակցելու նպատակով և սկսել անդամակցության գործընթացները։
2021 թվականի հոկտեմբեր ամսին կայացել էր Միջերկրածովյան կարգավորող մարմինների հարթակի հերթական նիստը, որին առաջին անգամ հյուրի կարգավիճակով մասնակցում էր նաև Հանձնաժողովը։ Նիստից հետո Հայաստանի անդամակցության հարցով տեղի է ունեցել քվեարկություն և ձայների գերակշիռ մեծամասնությամբ Հայաստանը ընտրվել է հարթակի լիիրավ անդամ։
Նշենք, որ Հարթակը ստեղծվել է 1997 թվականին Ֆրանսիայի և Կատալունիայի (Բարսելոնա) առաջարկով, նպատակ ունենալով ամրապնդելու Միջերկրածովյան երկրների միջև պատմական և մշակութային կապերը, հնարավորություն ստեղծելու տարածաշրջանի անկախ կարգավորող մարմիններին տեսալսողական մեդիայի կարգավորմանը վերաբերող թեմաների ուսումնասիրության և փորձի փոխանակման համար:
Հարթակին անդամակցում է 26 երկիր, իսկ նոյեմբերի 5-ից նաև Հայաստանը։
Հայտարարվել է ՀՀ Լոռու մարզի տարածքում լսողական ծրագրի սփռման մրցույթ
Հեռուստատեսության և ռադիոյի հանձնաժողովում գումարվել է նիստ: Օրակարգում ընդգրկված էին լսողական ծրագրի հաճախականության օգտագործման լիցենզավորման մարզային՝ ՀՀ Լոռու մարզի տարածքում սփռման մրցույթ հայտարարելու և լսողական ծրագրի հաճախականության օգտագործման լիցենզավորման մարզային՝ ՀՀ Գեղարքունիքի մարզի տարածքում սփռման մրցույթի մասնակիցների ցանկը հրապարակելու և հայտերի հրապարակման օր սահմանելու վերաբերյալ:
Օրակարգի առաջին հարցը ներկայացնելիս նշվեց, որ Հանձնաժողովը առաջնորդվելով «Տեսալսողական մեդիայի մասին» օրենքով և Հեռուստատեսության և ռադիոյի հանձնաժողովի 2020 թվականի սեպտեմբերի 8-ի «Հանրային մուլտիպլեքսում սլոթի օգտագործման լիցենզավորման մրցույթի անցկացման կարգը և լիցենզիայի ձևը հաստատելու մասին» թիվ 94-Ն որոշմամբ հաստատված կարգի դրույթներով՝ 2021 թվականի նոյեմբերի 10-ին հայտարարում է լսողական ծրագրի հաճախականության օգտագործման լիցենզավորման մարզային՝ ՀՀ Լոռու մարզի տարածքում սփռման մրցույթ, որին կարող են մասնակցել միայն որպես տեսալսողական մեդիածառայություն մատուցող հեղինակազորված ֆիզիկական կամ իրավաբանական անձինք:
Օրակարգի երկրորդ հարցը քննարկելիս Հանձնաժողովը որոշվեց 2021 թվականի նոյեմբերի 16-ին սահմանել ՀՀ Գեղարքունիքի մարզի տարածքում սփռման մրցույթի մասնակցի հայտի և կից փաստաթղթերի հրապարակման օր, որի համար մասնակցին տրվելու է 30 րոպե:
Մրցույթի պայմանների վերաբերյալ կարելի է ծանոթանալ կցված ֆայլում։
Սփռման տարածքը և հաճախականությունը՝ ՀՀ Լոռու մարզ, ք. Սպիտակ՝ 96.3 ՄՀց, ք. Վանաձոր՝ 98.7 ՄՀց և ք. Ստեփանավան՝ 97.9 ՄՀց։
Մրցույթի մասնակցի հայտի և կից փաստաթղթերի հրապարակման օր է սահմանվել 2021 թվականի նոյեմբերի 16-ը: Հայտի և կից փաստաթղթերի բովանդակությունը ներկայացնելու համար մասնակցին տրվում է 30 րոպե: Առայժմ գրանցվել է միայն մեկ մասնակից՝ ՌԱԴԻՈ ԱԼՖԱ» ՍՊԸ
Հրապարակվել է լսողական ծրագրի հաճախականության օգտագործման լիցենզավորման մրցույթի մասնակցի հայտը
Հեռուստատեսության և ռադիոյի հանձնաժողովում այսօր՝ նոյեմբերի 16-ին, գումարվել է նիստ: Օրակարգում ընդգրկված էին լսողական ծրագրի հաճախականության օգտագործման լիցենզավորման մարզային՝ ՀՀ Գեղարքունիքի մարզի տարածքում սփռման մրցույթի մասնակցի՝ «ՌԱԴԻՈ ԱԼՖԱ» ՍՊ ընկերության հայտի հրապարակման, «ՀԻԲՐԻԴ ՓՐՈԴԱՔՇՆ ԷՆԴ ԴԻՍԹՐԻԲՅՈՒՇՆ» ՍՊ ընկերության կողմից ներկայացված տեսալսողական ծրագրի ծանուցման, «ՔԱՆԹՐԻՆԵԹ», «ՊԼԱՆԵՏ ՐԱՖՖԻ», «ՖԼԱՅՆԵՏ», «ՖՐՈՒԹՆԵԹ», «ԱԼՖԱ ՏԵԼԵԿՈՄ», «ՀԱՃԸՆ ԻՍՊ», «ԴԻԼԱՐՄ», «Ց.Ա.Ա.Ա.Է.» և «ՁԱԳԵՁՈՐ» ՀԵՌՈՒՍՏԱԸՆԿԵՐՈՒԹՅՈՒՆ ՍՊ ընկերությունների նկատմամբ վարչական ակտերի ընդունման վերաբերյալ հարցերը:
ՀՀ Գեղարքունիքի մարզի տարածքում սփռման մրցույթի մասնակցության համար հայտ ներկայացրած «ՌԱԴԻՈ ԱԼՖԱ» ՍՊ ընկերությունը հրապարակեց հայտը, ներկայացնելով իրենց հետագա գործունեության մասին ծրագրերը:
Հիշեցնենք, որ Հանձնաժողովը հայտն ուսումնասիրելու, որոշում կայացնելու և լիցենզիան տրամադրելու համար ունենալու է մինչև 60 օր:
Հանձնաժողովը քննարկել և հաստատել է «ՀԻԲՐԻԴ ՓՐՈԴԱՔՇՆ ԷՆԴ ԴԻՍԹՐԻԲՅՈՒՇՆ» ՍՊ ընկերության կողմից ներկայացված տեսալսողական ծրագրի ծանուցման վերաբերյալ դիմումը:
Քննարկելով «ՔԱՆԹՐԻՆԵԹ», «ՊԼԱՆԵՏ ՐԱՖՖԻ», «ՖԼԱՅՆԵՏ», «ՖՐՈՒԹՆԵԹ», «ԱԼՖԱ ՏԵԼԵԿՈՄ», «ՀԱՃԸՆ ԻՍՊ», «ԴԻԼԱՐՄ» և «Ց.Ա.Ա.Ա.Է.» ՍՊ ընկերությունների նկատմամբ վարչական ակտերի ընդունման վերաբերյալ հարցերը, նշվեց, որ Հանձնաժողովը «Տեսալսողական մեդիայի մասին» օրենքով վերապահված իր վերահսկողական գործառույթներն իրականացնելիս հայտնաբերել է Օրենքի պահանջի խախտում, այն է՝ ցանցային օպերատորների գործունեություն իրականացնող ըկերությունները իրականացրել են տեսալսողական ծրագրերն առանց պայմանագրերի վերահաղորդում: Վարչական վարույթի բազմակողմանի, լրիվ և օբյեկտիվ քննության, ձեռք բերված ապացույցների ուսումնասիրության և գնահատման արդյունքում, ինչպես նաև Ընկերությունների ներկայացրած պարզաբաբանումների արդյունքում, Հանձնաժողովը որոշում է կայացրել ընկերությունների նկատմամբ կիրառել վարչական տույժ՝ տուգանելով սահմանված նվազագույն աշխատավարձի հիսնապատիկի չափով։
«ՁԱԳԵՁՈՐ» ՀԵՌՈՒՍՏԱԸՆԿԵՐՈՒԹՅՈՒՆ ՍՊ ընկերությունների նկատմամբ վարչական ակտի ընդունման պատճառ էր հանդիսացել Ընկերության «Զանգեզուր ՏՎ» տեսալսողական ծրագրի 2021 թվականի հոկտեմբեր 17-ի եթերում Հայաստանի Հանրապետության օրենսդրությամբ քարոզչության համար արգելված ժամանակահատվածում՝ ընտրությունների քվեարկության օրը քարոզչական կամ քարոզչությանը նպաստող նյութի հեռարձակման միջոցով սահմանված կարգի պահպանման վերաբերյալ դրույթների պահանջների խախտում։ Հանձնաժողովը ղեկավարվելով «Ընտրական օրենսգիրք» սահմանադրական օրենքի, «Տեսալսողական մեդիայի մասին» օրենքի դրույթներով որոշում է կայացրել «ՁԱԳԵՁՈՐ» ՀԵՌՈՒՍՏԱԸՆԿԵՐՈՒԹՅՈՒՆ ՍՊ ընկերության նկատմամբ կիրառել Օրենքի 55-րդ հոդվածի 1-ին մասի 1)-ին կետով սահմանված տույժը՝ գրավոր նախազգուշացում:
2021 թվականի սեպտեմբերի 16-ին հայտարարված լսողական ծրագրի հաճախականության օգտագործման լիցենզավորման մարզային՝ ՀՀ Գեղարքունիքի մարզի տարածքում սփռման մրցույթի նիստի վերսկսման օր է սահմանվել 2021 թվականի դեկտեմբերի 10-ը:
Հեռուստատեսության և ռադիոյի հանձնաժողովը 2021 թվականի դեկտեմբերի 3-ին հայտարարում է լսողական ծրագրի հաճախականության օգտագործման լիցենզավորման մարզային՝ ՀՀ Վայոց ձորի մարզի տարածքում սփռման մրցույթ:
–>
Ваша реклама может быть здесь... пишите на телегу @VOPROS24
Часовой пояс GMT +3, время: 19:23.
Весь материал, представленный на сайте взят из доступных источников или прислан посетителями сайта. Любая информация представленная здесь, может использоваться только в ознакомительных целях. Входя на сайт вы автоматически соглашаетесь с данными условиями. Ни администрация сайта, ни хостинг-провайдер, ни любые другие лица не могут нести отвественности за использование материалов. Сайт не предоставляет электронные версии произведений и ПО. Все права на публикуемые аудио, видео, графические и текстовые материалы принадлежат их владельцам. Если Вы являетесь автором материала или обладателем авторских прав на него и против его использования на сайте, пожалуйста свяжитесь с нами.
Армянский форум թվային հեռուստատեսություն DVB-T; DVB-T2
բարձր վարկանիշ ունեցող հեռուստածրագրեր&#
Հայտարարվել է ՀՀ Լոռու մարզի տարածքում լս
Մրցույթի մանրամաները
Ռադիո Դրայվ 96.3 ՄՀց
Մրցույթ Վայոց ձորում
Линейный вид
