UZB sport yangiliklari

[eSYs]

Олимпада ўйинлари саралаш баҳсларига тайёргарлик кўраётган.Ўзбекистон олимпия аёллар терма жамоаси 6-12 февраль кунлари Эронда навбатдаги йиғинини ўтказди.

Вячеслав Солохо бош мураббийлигидаги Ўзбекистон аёллар терма жамоаси мазкур йиғин давомида мезбон -Эрон.олимпия терма жамоасига қарши 3та ўртоқлик учрашувида майдонга тушди.

***
Дастлаб, 8 февраль куни ўтказилган учрашувда Ўзбекистон аёллар терма жамоаси.1:0.ҳисобида ғалаба қозонди. Терма жамоалар ўртасидаги иккинчи учрашув эса 10 февраль куни ўтказилди ва бу учрашув ҳам Вячеслав Солохо жамоасининг йирик ҳисобдаги ғалабаси билан якунланди-5:1. Терма жамоалар ўртасидаги сўнгги ўртоқлик ўйини эса.12 февраль куни бўлиб ўтди ва унда ҳисоб очилмади.

[eSYs]

Мадриднинг "Реал" клуби ярим ҳимоячиси Тони Кроос мадридликлар сафида ҳеч бир футболчи ўзини юлдузлардек тутмаслигини айтиб ўтди. Шу билан бирга Кроос жамоадоши Криштиану Роналду ҳақида илиқ фикр билдирган.

"Биз Роналду билан кўп гаплашамиз, чунки у "МЮ"да ўйнагани туфайли инглиз тилида равон гаплашади. У ҳақида фақат илиқ гаплар айтишим мумкин. Роналду ажойиб табиатга эга.

Криштианунинг ўрнида бошқа футболчи бўлганида бунча муваффақиятдан сўнг бўшашиб қолган бўларди, аммо у ҳар доим иштиёқни сақлаб қоалди. Жамоамиздаги ҳеч бир футболчи ўзини юлдузлардек тутмайди. Ҳамма яҳлит бир жамоа сифатида ҳаракат қилади. Ҳеч бир футболчи якка ўзи муваффақиятга эришиши мумкинлиги ҳақида ўйламайди", - дейди Кроос.

[eSYs]

Мадриднинг «Реал» жамоаси бош мураббийи Карло Анчелотти, «Депортиво»га (2:0) қарши ўйинда жароҳат орттириб олган ҳимоячи Марселонинг соғлиғи борасида гапириб ўтди.

«Марсело мушакларини шикастлаб олгани сабабли, уни алмаштиришга мажбур бўлдим.

Ҳозир унинг соғлиғига ҳеч нарса хавф солмаяпти. У чекловларсиз шуғулланишда давом этади», – дейди италиялик мутахассис.

[eSYs]

Бугун «Навбаҳор» Тошкентда ўтказилган навбатдаги йиғинни якунлашди.Олдинроқ жамоа таркибига болгариялик посбон Эмиль Михайловни қўшилиши ҳақида хабар бергандик. Бугун тунда футболчи юртимизга етиб келди.

Шунингдек, таркибга ҳимоячи Темур Кагиров ҳам қўшилди. Йиғин сўнггида "Динамо" билан назорат учрашуви ўтказилди. Учрашувда Азамат Бобожонов ва Дилшод Жабборовларнинг голлари эвазига 2:1 ҳисобида «Навбаҳор» ғалаба қозонди.

Рақиб иккинчи бўлимда пенальтини амалга ошириш орқали ҳисобни қисқартиришга эришганлигини қўшимча қилиш жоиз. «Навбаҳор» учрашувни қуйидаги таркибда ўтказди: Хуршид Хўжаев, Юрий Рижко, Бобир Акбаров, Ботир Тўрабоев, Раҳматилло Бердимуродов, Суннатилла Мамадалиев, Дилшод Жабборов, Азамат Бобожонов, Санъат Шихов, Роббим Ҳасанов, Шаҳбоз Эркинов. Захирадан майдонга тушганлар: Эмиль Михайлов, Темур Кагиров, Отабек Валижонов, Муҳаммад Расулов. Футболчилар бир неча кун ҳордиқ чиқаришгач, 19 феврал куни Тошкентда тўпланиб, тайёргарликни давом эттиришади.

[eSYs]

Мадриднинг "Реал" клуби ҳимоячиси Пепе жароҳатидан фориғ бўлиб, сафга қайтди.

Бу ҳақида Европа матбуоти хабар беради.

У Европа Чемпионлар лигаси 1/8 финалидан ўрин олган "Шальке" жамоасига қарши ўйинда майдонга тушиши кутилмоқда.

Эслатиб ўтамиз, футболчи Испания Кубоги 1/8 финалидан ўрин олган "Атлетико"га қарши ўйинда жароҳат олганди

[eSYs]

“Гремиу” клуби бош мураббийи Луиз Фелипе Сколари “Веранполис” жамоасига қарши ўйин вақтида нима учун майдондан чиқиб кетганини изоҳлаб ўтди.

Ушбу учрашувда Бразилия термасининг собиқ бош мураббийи жамоаси кичик ҳисобда мағлуб бўлди.

“Мен ўзимни ўзим четлатдим. Бундан ортиқ шармандаликни тасаввур ҳам қилиб бўлмайди. Биз жуда ёмон ўйин намойиш қиляпмиз.

Машғулотларда амалга ошираётган ишларимизни учрашувларда бажара олмаяпмиз”, - дейди Сколари.

[eSYs]

“Челси” ярим ҳимоячиси Эден Азар жамоа бош мураббийи ундан кўпроқ гол уришини талаб қилаётганини айтиб ўтди.

“Моуриньо мен кўпроқ гол киритишимни истаяпти. Шахсан менга сермаҳсул эмаслигимни кўпроқ голли узатмаларни амалга оширишим оқлайдигандек туюлади.

Мураббий худди Месси ва Роналду каби ҳар бир ўйинда 2-3талаб гол киритишимни талаб қилмоқда”, - дейди Азар.

[eSYs]

«Бавария» клуби ҳужумчиси Роберт Левандовски «Шахтёр»га қарши ўтадиган Европа чемпионлар лигаси ўйинидан олдин ўз фикрларини билдирди.

«Шахтёр» – топ-клуб, уларда ажойиб ўйинчилар жамланган. Биз эҳтиёт бўлишимиз керак, бу Чемпионлар лигаси», – дейди Левандовски.

[eSYs]

«ПСЖ» бош мураббийи Лоран Блан «Челси»га қарши бўлажак ўйин ҳақида ўз фикрларини билдириб ўтди.

«Моуриньюни кам бўлса-да, биламан. Ўйлашимча, у майдонда бор эҳтиросини намоён этади. Бизнинг футболиларимиз эса совуққон бўлишлари ва унга эътибор қаратмасликлари лозим.

Биз сариқ карточка ва дисквалификациялардан эҳтиёт бўлишимиз керак, чунки сафимизда футболчилар у қадар кўп эмас. Мен ҳам, Моуринью ҳам ўз етакчиларимиз – Иброҳимович ва Азардан кўп нарса кутамиз», – деди Блан.

[eSYs]

Бугун Фарғонанинг “Нефтчи” жамоаси Туркиядаги йиғин доирасида Украинанинг “Днепр” клубига қарши назорат ўйини ўтказди.

Учрашувда Мурод Исмоилов жамоаси 1:0 ҳисобида ғалаба қозонди.
Днепропетровскликлар расмий сайти берган маълумотга кўра, голни фарғоналиклар қарши ҳужумдан кейин уришган. Унда икки футболчи иштирок этган ва Мурод Бобожоновнинг зарбасидан сўнг тўп дарвоза тўридан жой олган.

Олдинроқ “Нефтчи” Тожикистоннинг “Истиқлол” жамоасини ҳам мағлубиятга учратганди – 1:0. Жамоа Туркиядаги йиғин давомида “Амкар” ва Украинанинг “Металлург” клубларига қарши ҳам ўртоқлик ўйини ўтказади.