UZB sport yangiliklari

[eSYs]

“Андижон” жамоасини 22 январдан 11февралгача Тошкентда олиб борган ўқув-машғулот йиғини ниҳоясига етди.

Эдгар Гесс 12 февраль куни футболчиларга қисқа муддатли дам берди. Таъкидлаш жоизки, пойтахтда ўтказилган дастлабки йиғинда андижонликлар бир қатор назорат баҳсларида майдонга тушишди. Шунингдек, ПФЛ Кубоги мусобақасида ҳам иштирок этди.

Энди жамоамиз навбатдаги йиғинни ҳам Тошкентда олиб боради. Ушбу йиғин 16 февралдан бошланади.

[eSYs]

«Насаф»нинг Туркия йиғини кеча ўз ниҳоясига етди. Етакчи ярим ҳимоячи Эркин БОЙДУЛЛАЕВнинг хориж йиғини ҳақида фикр билдирди:

-Йиғин давомида мураббийлар берган барча кўрсатмаларни бекаму кўст бажаришга ҳаракат қилдик. Гарчи бу йиғинда кўплаб назорат учрашувларида қатнашган бўлсакда, ҳар куни машғулотларда маълум “юклама”ларни бажардик. Бу албатта мавсум давомида бизга асқотади. Қолаверса, йиғинда бир қатор кучли клубларга қарши майдонга чиқиб, ўз имкониятларнимизни чамалаб олдик.

-ОЧЛ баҳслари бошланишига ҳам саноқли кунлар қолди. Гуруҳдаги рақибларимиз ҳақида нима дея оласиз?
-Албатта назарий машғулотларда гуруҳдаги рақибларимиз ҳақида маълумотларга эга бўлиб, уларнинг ўйин услублари билан танишдик. Умуман олганда ҳаммаси ўз қўлимизда. Гуруҳдан босқичидан кейинги босқичга чиқиш учун бор имкониятларимизни ишга соламиз. Буни амалга оширса бўлади. Муҳими мухлислар бизни қўллаб-қувватлаб туришса, янги мавсумда яхши натижаларни қўлга киритамиз.

[eSYs]

Италиянинг Бергамо шаҳрида теннис бўйича ўтказилаётган “Челленжер” туркумига кирувчи турнирнинг асосий тўр баҳсларида чорак финалчилар номи деярли маълум бўлди.

Эътиборлиси, бош соврин учун курашни давом эттираётган спортчилар орасидан ҳамюртимиз Фаррух Дўстов ҳам ўрин олган.

Нимчорак финалда бельгиялик Максим Аутхом билан куч синашган ҳамюртимиз икки сет якунига кўра 7-6 (7:0), 6-3 ҳисобида зафар қучди.

[eSYs]

Мамлакатимиз спортчилари 2016 йилги ёзги Олимпия ўйинларига пухта ҳозирлик кўрмоқда. Президентимизнинг 2013 йил 25 февралдаги “Ўзбекистон спортчиларини 2016 йилда Рио-де-Жанейро шаҳрида (Бразилия) бўлиб ўтадиган XXXI ёзги Олимпия ва XV Паралимпия ўйинларига тайёрлаш тўғрисида”ги қарорига мувофиқ бу борадаги ишлар тизимли асосда олиб борилмоқда.

[eSYs]

Испания чемпионати 23-туридан ўрин олган «Реал» - «Депортиво» учрашуви ўз ниҳоясига етди ва унда кутилганидек мадридликлар ғалаба қозонишди.

Учрашувнинг 22-дақиқасидаёқ Альваро Арбелоанинг узатмасидан сўнг Иско жарима майдони бурчагидан дарвоза ўнг қанотига аниқ зарба йўллади ва Анчелотти шогирдларини ҳисобда олдинга олиб чиқди, 1:0.

Иккинчи гол бўлса иккинчи бўлимнинг 73-дақиқасига тўғри келди. Криштиану Роналду тўпни қабул қилиб олди ва шу заҳоти уни Карим Бенземага етказди. Француз ҳужумчиси бўлса мўлжалдан адашмади, 2:0.

Шу тариқа, «Реал» Мадрид очколари сонини 23-турдан сўнг 54тага етказиб олди ва Испания Примераси мусобақа жадвалида яқин таъқибчиси «Барселона»дан 4 очкога олдинда. Каталония клуби захирасида битта ўйин бор.

Испания чемпионати
23-тур

Реал Мадрид – Депортиво 2:0 (1:0, 1:0)
Голлар: 1:0 – 22 Иско, 2:0 – 73 Бензема.
Реал Мадрид – Касильяс, Арбелоа, Начо, Варан, Марсело, Ильярраменди (Лукас Силва, 71), Иско (Карвахаль, 80), Бэйл, Кроос, Бензема (Хесе, 86), Роналду.
Депортиво – Фабрисио, Лауре, Луизинью, Лопо, Пабло, Бергантиньос, Борхес (Домингес, 85), Перес (Медуньянин, 79), Кавалейру, Куэнка, Риера (Кошта, 65).
Огоҳлантиришлар: Борхес (45), Начо (48), Пабло (61), Арбелоа (78), Лопо (83), Лауре (89).

[eSYs]

Игнатий Нестеровнинг жиддий жароҳати ва катта эҳтимол билан мавсумни ўтказиб юборишини ҳисобга олган ҳолда "Локомотив" мураббийлар штаби жамоага яна бир дарвозабонни қўшиб олишга қарор қилди.

Шу мақсадда сўнгги вақтларда "Металлург" сафидаги жуда ишончли ўйинлари билан алоҳида ажралиб турган Маъмур Икромов "Локомотив" сафига қўшиб олинди. Футболчи бугун жамоа билан шартнома тузди.

[eSYs]

Англиянинг "Манчестер Юнайтед" клуби мавсум якунлангач ҳужумчи Радамель Фалькао билан ҳайрлашишга тайёр, - дея хабар беради Британия матбуоти.

Хабар қилинишича, манчестерликлар ушбу футболчи ўрнига ПСЖ жамоаси ҳужумчиси Эдинсон Каванини таклиф қилмоқчилар.

"МЮ" уругвайлик футболчи учун 81 миллион евродан воз кечишга тайёр.

[eSYs]

“Ювентус” клуби жамоани тарк этиши кутилаётган Поль Погбага ўринбосар қидирмоқда. Франциялик футболчи келаси йилнинг ёзида 70-100 миллион евро эвазига жамоани тарк этиши мумкин.

Туринликлар раҳбарияти “Боруссия” ярим ҳимоячиси Илкай Гюндоганга эътибор қаратмоқда. 24 ёшли футболчининг дортмундликлар билан амалдаги шартномаси 2016 йилга қадар мўлжалланган.

У ҳозирча шартномасини узайтиришни истамаяпти. “Боруссия” ҳам манфаатли таклиф бўлса Гюндоганни сотиб юборишга қарши эмас.

[eSYs]

Франция чемпионати доирасидаги "ПСЖ" ва "Канн" жамоалари ўртасидаги ўйинда парижликларнинг тўрт футболчиси жароҳат олиб, майдонни эрта тарк этишга мажбур бўлган.

Йоан Кабай, Маркиньос, Лукас Моура ва Серж Орие Чемпионлар лигаси доирасидаги "Челси"га қарши ўйинни ўтказиб юборишлари мумкин.

[eSYs]

ПСЖ клуби ҳужумчиси Златан Иброҳимович "Кан"га (2:2) қарши учрашувдаги қайд этилган дуранг натижа ҳақида гапирди.

"Биз икки очко йўқотдик. Агарда ғалаба қозонмасак, менинг голим ўз аҳамиятини йўқотади.

Кўрамиз, "Челси"га қарши учрашувда қандай ўйин бизни кутмоқда", - дейди ҳужумчиси L`Equipe нашрига берган интервьюси чоғида.